លោកឧត្តមសេនីយ៍ទោ ហេង វុទ្ធីស្នងការនៃស្នងការដ្ឋាន នគរបាលខេត្តកំពង់ចាមបានអញ្ជើញនាំយកអំណោយឯកឧត្តមអ៊ុនចាន់ដាអភិបាលខេត្តឧបត្ថមដល់​លោកវរសេនីយ៍ត្រី​ម៉ក​បូរ៉ានាយផ្នែកបញ្ជាចរាចរណ៍នៃការិយាល័យនគរបាលចរាចរណ៍ផ្លូវគោក

ខេត្តកំពង់ចាម នៅព្រឹកថ្ងៃពុធ ទី១៨ ខែកុម្ភ:​ ឆ្នាំ២០២៦នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងសហការី បានចុះសាកសួរសុខទុក្ខ និងនាំអំណោយដ៏ថ្លៃថ្លារបស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ឧបត្ថម្ភដល់ លោកវរសេនីយ៍ត្រី​ ម៉ក់​ បូរ៉ា នាយផ្នែកបញ្ជាចរាចរណ៍ នៃការិយាល័យនគរបាលចរាចរណ៍ផ្លូវគោក ដែលបានជួបគ្រោះថ្នាក់ចរាចរណ៍ក្នុងពេលបំពេញបេសកកម្ម​ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យខេត្តកំពង់ចាម​ ។

អំណោយរួមមាន: ថវិកា ១,០០០,០០០៛, អង្ករ ២បេ (២៥គីឡូក្រាម/បេ), មីជាតិ ១កេស, ត្រីខ ១យួ, ទឹកត្រី ១យួ, ទឹកស៊ីអ៊ីវ ១យួ, ភេសជ្ជៈ ១កេស, ទឹកសុទ្ធ ២កេស និងសំលៀកបំពាក់ចម្រុះ  ១កញ្ចប់ ផងដែរ ។

ស្ថិតក្នុងឱកាសនោះដែរ លោកឧត្ដមសេនីយ៍ទោស្នងការក៏បាននាំប្រសាសន៍ផ្ដាំផ្ដើសាកសួរសុខទុក្ខរបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងបានស្នើឱ្យគ្រូពេទ្យឯកទេស បន្ដជួយព្យាបាលមុខរបួសឱ្យបានឆាប់ជាសះស្បើយ និងបានរៀបចំដោះស្រាយលើការចំណាយក្នុងការសម្រាកព្យាបាលជំងឺ បន្ថែមទៀត ។